Agur,

eta barru-barrutik eskerrak emateko idazten dizuegu, Garau Kooperatiba Elkarte Txikiak bere ateak itxi baititu. Ezin esango dugu ateak irekitzera iritsi garenik, baina bai behintzat hasi gineneko 2020 hartatik euri asko egin duela. Munduak eskaini dizkigun pasarteak direla eta, memorian gordetzeko moduko urteak bizi izan ditugu. Baina guretzat Garau proiektuarekin bizitakoak izan dira bihotzeko txokorik kuttunenetan mantentzekoak.

Asko izan dira proiektuak eman dizkigun une onak, baina eman dizkigun irakaspenak gordeko ditugu batez ere. Proiektuan benetan sinesten dugu, eta hasiera-hasieratik hau balio jakin batzuek osatzen zutela jakin dugu; autonomia eta kooperazioa uztartzeko, bertatik bertarako elikagaiak eskaintzeko, Amalurra zainduz eta onurak balio-kate osoan parte-hartzaile guztiok jasotzeko. Erakutsi nahi izan diogu geure buruei ekonomia, eta ondorioz bizitza, beste modu hobe batean antolatu daitezkeela.

Balio horietako batenbat albora utzita proiektua martxan jartzeko beharreko finantzaketa lortu ahal izango genuela adierazi zaigu, baina inongo unean ez dugu zalantzan jarri balio horiek direla proiektua, eta ondorioz aurrera egiteko arrazoi bakarra.

Ez da izan posible momentu honetan proiektua publiko egin eta martxan jartzea, baina behar jakin batzuei aurre egiten dion planteamendu bat osatzea lortu dugu. Planteamendu horren izan nagusiak bere balioak dira, eta ez garatu dugunon izenak. Ondorioz, proiektua bultzatu eta hau egikaritu nahiko luketenen haize berriei pozarren emango genieke erreleboa.

Egindako bidean laguntza anitza jaso dugu, bakoitzak ahal duenetik. Mezu hau jaso duzun horri, gure benetako esker ona adierazi nahi dizugu.

Axlor eta Unai